Sala og þjónusta við fagfjárfesta - Úrval sjóða - Sjóðir - Eignastýring - Arion banki
Eignastýring fagfjárfesta er fyrir lífeyrissjóði, stofnanir og fyrirtæki.
Hvað felst í þjónustunni?
- Virk eignastýring
- Áhættustýring
- Heildarumsjón með verðbréfasöfnum (Arion)
- Upplýsingagjöf
- Sala og þjónusta við fagfjárfesta
- Traust og trúnaður
Virk eignastýring
Markmið með stýringu eigna er að hámarka ávöxtun með tilliti til áhættuþols viðskiptavinar. Eignasöfn viðskiptavina eru í virkri stýringu sérfræðinga sem fylgjast náið með fjármálamörkuðum. Mikið er lagt upp úr teymisvinnu og sérhæfingu þar sem sérfræðingar á hverjum markaði koma reglulega saman og ákvarða megináherslur í eignasöfnum. Eignasamsetning verðbréfasafns er þannig í stöðugri endurskoðun sem er nauðsynlegt í síbreytilegu umhverfi.
Áhættustýring
Áhættustýring og eftirlit er stór þáttur í eignastýringu og hefur Arion banki yfir að ráða mjög öflugu áhættustýringarsviði. Starfsmenn á áhættustýringarsviði sjá meðal annars um útreikning á daglegu gengi safna, reikning á ávöxtun og ýmsum áhættuþáttum tengdum eignastýringu verðbréfasafna.
Heildarumsjón með verðbréfasöfnum
Arion býður fjármálafyrirtækjum og stofnanafjárfestum vörslu og greiðslumiðlun með innlend og erlend verðbréf. Auk þess annast Arion gengisútreikninga, fjárhagsbókhald, iðgjaldaskráningu, útgreiðslu lífeyris, skýrslugerð til opinberra aðila og gerð ársreikninga fyrir lífeyrissjóði og verðbréfasjóði. Um þessar mundir þjónustar Arion 31 verðbréfasjóð og 12 lífeyrissjóði. Arion er góð lausn fyrir fjármálafyrirtæki og lífeyrissjóði sem vilja kaupa sér sérhæfða þjónustu á þessu sviði og spara sér kostnað við rekstur tölvukerfa og starfsmannakostnað.
Upplýsingagjöf
Leitast er við að upplýsingagjöf til viðskiptavina sé sniðin að þörfum þeirra og veitt reglulega. Annars vegar fá viðskiptavinir reglulega send yfirlit yfir eignir frá vörslufyrirtækinu Arion og hins vegar tekur eignastýring saman ársfjórðungslegar skýrslur þar sem eignasamsetning og ávöxtun er skoðuð ítarlega. Viðskiptavinir geta líka fengið aðgang að vefsíðu þar sem þeir geta fylgst með eignasafni sínu. Auk fyrrgreindrar upplýsingagjafar geta viðskiptavinir haft samband við sérfræðinga á eignastýringarsviði með því að hringja eða senda tölvupóst á þá og fengið svör við þeim fyrirspurnum sem þeir hafa.
Sala og þjónusta við fagfjárfesta
Á sviðinu starfar sérhæfð deild í sölu og þjónustu við núverandi viðskiptavini og öflun nýrra viðskiptavina. Á sviðinu starfa þrír starfsmenn sem allir hafa langa reynslu á íslenskum fjármálamarkaði. Markmiðið er að veita góða þjónustu og fyrsta flokks upplýsingagjöf til þeirra sem eiga viðskipti við eignastýringu Arion banka.
Traust og trúnaður
Arion banki er traust og framsækið fjármálafyrirtæki sem hefur það að leiðarljósi að sinna viðskiptavinum sínum sem best. Trúnaður og traust á milli viðskiptavina og bankans er grundvöllur að árangursríku samstafi. Starfsfólk bankans leggur metnað sinn í að verk þeirra tali skýru máli um frábæran árangur. Nánari upplýsingar veita starfsmenn í eignastýringu fagfjárfesta.